فهد الأربش: أغلب عوائل التجار يشترون جناط تقليد لأن محد راح يشك فيهم
- نصيحة لوجه الله حق بناتنا العزيزات وفروا فلوسكم ...
كتب المحرر المحلي:
وجه ناصر جواد الأربش (نصيحة لوجه الله حق بناتنا العزيزات ) قائلا :
كلكم شفتوا ماركات التقليد اللي بالصين والضجة اللي صارت ، ترى أغلب عوائل التجار يشترون جناط تقليد لأن محد راح يشك فيهم أنهم يشترون تقليد وهذا من سنوات طويلة.
وأضاف : وكذلك بالنسبة للمجوهرات والأحجار، يدخلون علينا المحل لابسين سلوتيرات (حبة ألماس كبيرة) 7 و 8 و 10 قيراط يعني تترواح أسعارها بين 40 إلى 70 ألف دينار وهي تكون ألماس مخبري أو كيوبك زركونيا.
وتابع الأربش قائلاً : احنا نصيدهم بالعين المجردة من اللمعة واللون ولو أن الألماس المخبري صعب التفرقة بينه وبين الطبيعي.
وأكد قائلا ( اللي يشترون الألماس والماركات هم الكادحين من الناس ) ... نصيحة لبناتنا لوجه الله لا تشترون ماركات ذهب وألماس لأن حاله حال الجناط والملابس، الذهب ذهب والأماس ألماس، الماركات يستخدمون نفس النقاوة بالألماس العادي بين vvs و VS واللون H او F ويحطون عليكم 40٪ إلى 50٪ فوق السعر الحقيقي للذهب عشان اسم الماركة.
وقال الأربش : إذا صارت عندكم حاجة و قررتوا تبيعونه راح يشترونه منكم بسعر الذهب العادي وتخسرون فيه مبالغ كبيرة. هالفلوس تعبكم و شقاكم، وفروا فلوسكم و اشتروا من المحلات المعروفة بالكويت عشان يصير لكم زينة وخزينة.
وختم منشوره قائلا : ملاحظة للناس اللي تعتقد أني قاعد أسوي دعاية لمحلاتنا. (احنا ما نبيع ذهب ) بس ألماس.
