نصائح البنيان على المفتاح

إذا ناوي تسلّم بيتك “مفتاح”، خلك على هالنصايح:
1. اختار شركة خبرة
لا تغامر بشركة أول مرة تسمع فيها، شوف مشاريعهم القديمة واسأل العملاء قبل لا توقّع شي

2. راجع العقد عدل
تأكد إن كل تفصيلة مكتوبة: نوع التشطيب، مدة التنفيذ، الضمانات… لا تعتمد على الكلام

3. تفاوض على السعر والبنود
حتى لو العقد شامل، حاول تضبط السعر وتشيل أشياء مو ضرورية

4. تابع معاهم أول بأول
صح إن الشغل عليهم، بس لا تتركهم بروحهم، تابع وخل عينك على المشروع

5. خل لك استشارة خارجية
لو تقدر، خل مهندس مستقل يراجع الشغل بين فترة والثانية


ليش تجزئة العقود فكرة ذكيةاذا وقعت عالمفتاح 

1. تحكم أفضل
لما كل مرحلة لها عقد، تقدر توقف أو تغيّر الجهة إذا ما أعجبك الشغل

2. مرونة بالتنفيذ
تقدر تختار أرخص وأفضل جهة لكل مرحلة (بناء، تشطيب، كهرباء…)

3. تخفيف المخاطر
لو الشركة صار عندها تأخير أو مشاكل مالية، أنت ما تكون ملزوم بكل المشروع

4. سهولة بالمحاسبة
كل عقد يكون واضح بتفاصيله، وفاتورته لحال، ما تضيع الفلوس

بس انتبه:

• راجع كل عقد مع مهندس أو محامي.
• لا تخلي المقاولين يتداخلون بشغل بعض بدون تنسيق.
• احرص يكون في “إشراف” خارجي محايد يتابع الكل